Blog

Onse Vader wat in die hemel is, 

“Dankie dat U vir ons plek voorberei waar ons vir ewig by U kan wees Vader”

Laat u Naam geheilig word. 
Laat u koninkryk kom.
Laat u wil geskied, 

“Want U naam is groot bo alles.

U koningryk sal oorwin.

U kom ons haal en ons wil binne U wil vir ons leef”

Soos in die hemel net so ook op die aarde. 

“U is alomteenwoordig, U het alles gemaak, dit wat ons kan sien en nie sien nie.

Dit  waarvan ons weet en nie weet nie”

Gee ons vandag ons daaglikse brood, 

“Want net U kan voed met die brood van die ewige lewe”

En vergeef ons ons skulde, 
soos ons ook ons skuldenaars vergewe. 

“ want U leer ons van vergifnis, U maak ons vry en leer ons van liefde.

Nie net teenoor onself nie maar ook ons naaste.

Ons skulde is deur U Seuns sê bloed vir ons betaal.”

En lei ons nie in versoeking nie, 
maar verlos ons van die Bose. 

“ want U ken ons denke, u vorm alles binne ons.

U het die bose vir ons oorwin.

Deur U hoef ons niks te vrees nie, want deur U is ons tot alles in staat”

Want aan U behoort die koninkryk en die krag 
en die heerlikheid tot in ewigheid. 

“Want U is die skepper van alles, alles behoort aan U.

Dit wat ons het is net genade.

U krag en mag is onmeetbaar en ons wil U eer, loof en prys.

Vul ons met U nabyheid en Gees.”

Amen

“Laat dit so wees Vader”