Blog

Ek skryf vandag ʼn wonder vers

Skadu’s flikker, gedagtes teen die donker muur

ʼn Was traan rol, die baard van ʼn smeltende kers.

Met min verstaan en geen begrip.

Denkend kyk ek op na bo….

Hoe is dit moontlik dat daar mense is wat werklik in niks kan glo?

Soekend na die eenvoud en skeppings vrae, wie het my gemaak?

Wie het my gedra?

Jy moet glo soos ʼn kind, minder dink!

Donker tye gevul met lig

God se Gees, genade en Sy liefde 

Jy sal dit weet en voel van bo.

Al is dit jy, wat ook nie glo

Help ons Vader, ons wil verstaan

Soek en jy sal vind my kind

Ek is God, jou Vader 

Uit my skeppingshand – jou aards bestaan

Laat dan toe en vul jouself

Dit is My genade, kyk na bo.

Vind en jy sal glo?

Die sirkel van die lewe sal wel voltooi

Jou keuse of jy glo of nie.

Voor God, jou Skepper

Die buig van ʼn sondaars knie.