Blog

In ʼn vullis drom is sy gevind

Neergelê in die palm van n hand

Haar ogies toe, ouerliefde blind.

Haar naelstring los nie vasgebind.

Die kriewel beweging sonder geluid Haar engel redder se oog gebruik.

Volgens haar, verwek uit seer en weg gesteekte skande.

Gooi weg jou kind en verbreek jou bande.

Gevind, deur God gegee

Die visserman en verpleegster

Engele van God, wek hartsbegeerte

Gewer van kos en vegter vir lewe.

Omgee word teruggee

Versorging word liefde

Vashou word gewete

Sy word ons dogter en vind haar lewe.

As grootmens vind sy haar plek

Weeskind ouers, die asdrom kind uit redding verwek.

Bloed beseëlde mense

Familie sonder grense