Blog

Vader dankie dat ek ʼn pa mag wees.

Gee my die nodige insig, wysheid en deernis om ook ʼn vader te kan wees.

Gevul met U Gees, wil ek my pad stap as ʼn vader, vir my geleende aards kinders en soms ook ander.

Maak my tekortkominge korter, my voorbeeld na U beeld en my teenwoordigheid blywend.

Leer my om onvoorwaardelik lief te wees en om te gee sonder voorbehoud, as ʼn pa en vader.

Skep binne my ʼn vadershart.

Leer my om meer te sien en te verstaan

Die seer en die mooi van my kinders se smart

Onverstaanbaar soms onverklaarbaar en in ongeloof ontneem die realiteite van menswees die wêreld van pa’s en vaders.

Met gebrokenheid en ʼn leemte-seer word ons agtergelaat met wat dit is.

Soekend na verstaan en die vervulling van ʼn vaderlike figuur, kan net U ons dra.

Maak ons soekend na meer en blywend met minder, want soms God, is minder meer en meer minder.

U weet wat is genoeg – Amen